martes, 24 de febrero de 2015

Nun yes tu, qué vas a ser

Baluarte acorazáu de la inorancia,
bufón autoascendíu a emperador,
diañucu camudáu n'escribidor,
brillante salvapatries... si hai ganancia.
                     
Del ripiu campeón a la constancia
del llombu, singular mansuñador,
testón y encerriscáu batallador
en busca d'un tronucu... na Importancia.
                    
 ¿Acasu vio, dayuri, güeyu humanu,
 Merlín de mayor talla intelectual
 y arguyu nacional pal asturianu?.
                     
¡Desplómome en finoxos, caso en tal
y amusgo estes oreyes d'aldeanu,
delantre de tan gran valor moral!.