lunes, 30 de noviembre de 2015

Ausencia

 Cai la nueche
 tres l'ausencia
 -la curuxa en carbayéu-.
 Sele posen
 -alba incierta-
 les campanes del recuerdu.

miércoles, 4 de noviembre de 2015

La Serena d'Entrellusa

Sentada nun mantu d'ocle
allá, nel vieyu puertu
balleneru d'Entrelluxa,
la Serena
arrima una bígara a la oreya
pa sintir
la mar xunto a la mar.
Pues, como sabia fía que ye
del maxín y los océanos,
conoz la Serena
qu'hai dos maneres hermanes
de sintir la mar:
Una, viviéndola.
Otra, suañándola.