lunes, 11 de abril de 2016

Camín De Primorias

Camín de Primorias
onde tou é llar:
bramadoriu, vega,
sable, ẖou, cumal.
Peñatú sagráu,
máxicu Pindal,
totémicu Urriellu,
ẖoguera ritual.
Camín de Primorias
onde tou é llar:
danza, corri-corri,
reẖinchu tribal,
toñada d'ancestros,
bierzu nacional.
Santa Cruz, Cuandonga,
cagüercu real.
Camín de Primorias
onde tou é llar:
de texu la brenga,
somantu vital.
U en güeyu ente'l moẖu
l'agua ñaz candial
y guardan inxanas
bixos de coral.