Silencios

Guaña'l silenciu dayures.

Erma la tierra nes manes.
Rance'l coral.
Rance'l tiempu
orpinando nes vidayes.

Cosadiella

Xuntos vamos pel camín

como la gaita y el canciu,
andando yo, tu al rau míu,
yo facieno, tu imitando,
voltiando yo selequín,
tu, foína, llueu tornando.
Mas, teo de reconocer
qu'endagora na mio vida
enẍamás fui p'atopar
fidelidá o xermandía
qu'a ti se pueda oldear.
Siempre sele, silenciosa,
tapecida, arrequexada...
pola escuridá frayada
y sol farol pergociosa.
Mialma, si nun yes tu,
nes nueches vilbes d'enfotu,
un remiendu pal mio rotu
y un sonce ecu de lluz.