sábado, 13 de enero de 2018

La güelga de les bisarmes

Tornó la nueche. Tornanon los corazones podres. Tornó l’alcordanza murnia y melguera, querida y tarrecida.

Les estrelles son l’abellugu de los suañadores. La nueche ye’l reinu de les bisarmes.

Siempre apoderó la nueche a les estrelles y los poetes llevitantes mienten. Siempre apoderanon los corazones podres a los suañadores. Y el nuestru futuru sigue la güelga de les bisarmes.

Allarribones, Xinxinos el de la carga d’espinos -rapacín suañador esllarigáu- llora na soledá de la lluna.

martes, 9 de enero de 2018

Solsticiu d'Iviernu

 Revivir los xuegos,
 alicar los vezos,
 preservar les tradiciones,
 afitar la cultura,
 tresmitir la llingua,
 curiar y defender lo propio de nuestro,
 son el mayor homenax a l'alcordanza
 d'aquellos que nos precedienon.