Dichosu'l que morriere de folganza,
trancáu nun llagar, de sidra fartu,
pitanza a retorcer y echando un cantu
al sonsón de la gaita n'axuntanza.
Dichosu'l que folgare cola panza,
la dormida y el mingu ensin desmayu,
sin poner más enfotu nel trabayu
qu'aselar de les tripes la so danza.
Que folixa inorada ye partida
pa nenyures pal ricu enfurruñáu
y al babayu descubre-y la guarida.pa nenyures pal ricu enfurruñáu
Y, al final d'esta danza, ye almiráu
el fartón qu'escosó'l tetu la vida
y enxamás l'avarientu esgalicháu.
